Zidane: Benzema është qendërsulmuesi më i mirë në botë

10:19 | 22 Prill 2019
Arbresh.info

Zinedine Zidane ka pohuar se Karim Benzema është qendërsulmuesi më i mirë në botë, pas het-trikut që francezi e realizoi në fitoren e Real Madridit 3:0 kundër Athletic Bilbaos në La Liga të dielën.

Athletic Club nuk qe në gjendje ta ndalë ish-përfaqësuesin e Kombëtares së Francës në këtë takim, pasi ai i shënoi të gjitha tri golat e fitores për Los Blancos në Santiago Bernabeu, transmeton Gazeta Express.

Me këto tri gola, Benzema e çoi në 21 totalin e golave të shënuara në ligë deri tani këtë sezon.

Bashkatdhetari dhe trajneri i tij, Zidane e lartësoi atë duke quajtur si më të mirin në botë në rolin e tij.

“Për mua Karim është 9-shi më i mirë në botë, edhe pse ka shumë lojtarë të mirë dhe të tjerët mund ta zgjedhin dike tjetër”, tha trajneri i Real Madridit, Zinedine Zidane.

“Çfarë ka bërë ai këtu gjatë 10 viteve të fundit do të thotë gjithçka. Golat e tij janë mbresëlënëse dhe jam shumë i lumtur për të. Ai ka vetëbesim dhe gjithmonë synon të përmirësohet”, shtoi Zidane.

Shpërndaje në rrjete sociale

Lajmet më të lexuara

Të ngjashme

Foto lajm